København

Tá guthanna do mhuintire
Ag glaoch orm gach oíche
Agus mé go suan im’ chodladh
Ag iarraidh orm filleadh thar n-ais

Chuig do chathair mhór álainn;
København, Cuan na gCeannaitheoir,
Croílár na Lochlannach is na nGall
A bhíodh anseo in Éirinn, tráth.

Ní féidir a rá, ní féidir liom a dhiúltú
Nach bhfuil píosa beag díom, ar a laghad
Ina Lochlannach féin, mar mothaím
Sa bhaile ann, i measc na Danmhairgeach

I Rådhuspladsen, cearnóg mór na cathrach,
Nó taobh uisce i Nyhavn, gearr leis an bpálas,
Táim mar cheann dóibh, saoránach im’ thír féin
Cé go bhfuilim ná céadta ciliméadar óm’ fhíorbhaile fhéin;

Cathair Átha Cliath – Daingean na nÉireannach.