Athuair

Tharla sé arís
Nuacht nua
Ar sheanaimsir,
Á chur faoi sholas nua salach

Agus é á léamh agam
Faoi dhó, faoi thrí, faoi cheathair
Mothaím mo chroí á bhualadh
Ag teacht amach ó mo bhéal.

Ach ní thagann deora.
Ní bheidh siad le feiceáil arís.
Ghol mé an iomarca deora dó
Agus níl fonn air iad a thirimiú.

Bhí an t-ádh dearg liom
Éalú uaidh agus an seans agam;
Éalú ón mbréagadóir, ón gcladhaire,
Ón gcroí-bhriseadóir ainniseach.

Rinne mé neamhaird ar na fógraí
Ach déanann an grá dall asat
D’éalaigh mé ina ainneoin sin;
D’aimsigh mé an slí amach le mo chroí.

Agus anois,
Táim i lár an tsolais;
Slán sábháilte arís.

Drochdhís

Thiteas i ngrá le strapaire óg
Ón chéad nóiméad, ’s ón chéad phóg,
Ach anois níl agam ach croí atá trom
Mar is cosúil go raibh sé mídhílis dom.

Rinne muid gáire, is rinne muid grá,
Ach anois tá na cuimhní siúd á mo chrá
Mar níl iontu a thuilleadh ach píosaí staire
Agus fiú gan é agam anois mar chara

Ligim uaim é, mar ba chóir,
Ach ba liomsa, áfach, an focal scoir,
Ach ba dheacair dom ‘slán’ a rá
Nuair a bhíodh dianghrá againne, tráth.

Táim cinnte go mbeidh mé níos fearr gan é,
Agus beidh mé i gceart ag deireadh an lae,
Mar ní raibh sé riamh ina laoch naofa,
Agus níorbh eisean an fear chéile foirfe

Ach dúradh liom; ‘beidh tú ceart go leor!
Agus ní fiú smaoineamh faoi, a stór,
Mar tá i bhfad níos fearr tuillte agat;
Duine a fheicfidh an t-aingeal atá ionat.’

Más fíor é sin, éireoidh liom
An té ceart a aimsiú a bheidh i ngrá liom
Gan fhadhb gan rún, go mbeinn sásta arís
Agus dearmad a dhéanamh ar an drochdhís.


14 Samhain 2009


(Dís: Beirt)

Daniel

Is fada uaim do chroí is do ghrá,
Is fada uaim do shúile áille;
Cé gur iontach é an radharc os mo chomhair anois,
B’fhearr liom thú a bheith liom

Is annamh, ach álainn é an grá
Is ní thuigfear é go deo
Ach ní bac é sin ar na mothúcháin seo
Mar ní gá iad a thuiscint.

Tá do ghriangraf agamsa ar mo ghuthán
Is ní féidir ach breathnú air
Ní féidir an gáire seo a bhaineadh de m’aghaidh
Mar is tusa an t-aon chúis dó.

Baile na nGall, Corca Dhuibhne; 16 Márta 2008

Deireadh (I gCuimhne Ár gCaidrimh)

Deireadh leis an scéal
Cinniúint déanta agam,
Ní fheicfidh tú ag teacht romhat é
Ina ainneoin na bhfógraí a sheol mé chugat.

‘I love you so much,’ a deireann tú fhéin
Agus déanaimse mo dhícheall é a athrá
Ach éirím tuirseach den teannas s’againne,
Is tá sruthán an ghrá tirim anois.

Cé nach mothaím mórán duit a thuilleadh
Déanaim sáriarracht ciall a úsáid;
Beagán ioróine, is dóigh, má cheapann tú faoi;
Cúrsaí an chroí i gceist.

Níl fonn orm tú a chailleadh go deo,
Is cuid dem’ chuidse thú féin,
Ach ní féidir leanúint ar aghaidh mar atá
Nuair atáim ag éirí cráite lenár gcuid grá.

Im’ shuí i léacht fada Gaeilge,
Táim chomh scartha uait is a bhfuilim in ann
Domhan amháin ionam, domhain garbh ionatsa;
Tá níos mó ná difríocht teangan eadrainn.

Saol breá bríomhar, mar is gnáth;
Gáire i gcomhrá na gcarad,
Ach smaoiním fút, is éirím fuar,
Mar b’é seo an seans deireanach.

Encore de L'Amour

Nous n'avons plus
Le naïvété de la jeunesse;
Nous savons plus de l'autre
Que nous savons de nous-même.

Mais il y a encore de l'amour,
De la rage et de la passion
Amoreux, romantique, sexuelle -
Y a t-il encore de problemes?

Nous ne savons pas quoi faire,
Et nous n'avons pas appris
De l'expérience de notre histoire;
Mais il y a encore de l'amour.

11 juillet (Iúil) 2007

Dá mBeadh...

Dá mbeadh a fhios agat, a chréatúir,
Faoin méid atá ar siúl trí mo cheann
Nó faoi na mothúcháin atá á bhrath agam
Bheadh tuairim difiriúil agat fúm.

Dá mbeadh an aimsir difiriúil, a chroí,
Dá mbuailfaimís le chéile ar shlí difiriúil
Ní bheadh aon fhadhb againnse
'S ní bheadh éinne i bpian.

Níl an lucht ar éinne dúinn;
Sin an tslí a tharla sé
Cé nach raibh sé éasca go leor
Tá súil agam gurb fhiú é.

Abair liom go mbeidh sé togh',
'Gus is é seo deireadh na bhfadhbanna
A mbíonn agamsa im' shaol
Is go mbeidh faoiseamh againn go luath.

Coicís

Sular bhuail mé leat
Bhí mo dhomhan foirfe;
Buachaill nua, cairde nua,
Bhíos sásta, a cheap mé.

Ansin, chuir m'fhear thusa in aithne dom
Agus d'athraigh 'chuile rud
I gceann coicíse, d'athraigh mo shaol
Bhí réalta nua i mo spéir arís.

Tuigeann tú mise, cé nach bhfuilimid
Le chéile ach ar feadh coicíse
Ach mar is gnáth, níl sé simplí;
"Is casta cúrsaí an chroí"

An chéad oíche le chéile
Agus bhí ormsa mo bheola a chur ar "m'fhear"
Cé gur chaill sé mo chroí
Ón nóiméad a chur sé thusa in aithne dom.

"Neosfaidh an aimsir."

14 Meitheamh 2007