Eco-Warrior

Do Darragh

Bhí am ann, nuair a
Mhothaigh mise
Cosúil leatsa;

Cheap mé go raibh
An domhan i dtrioblóid,
Agus go raibh ormsa
rud éigin a dhéanamh faoi.

D'fhág mé an cuid sin
Dem' shaol im' dhiaidh fadó,
Ach tá na tuairimí sin
Fós agatsa, a ghrá,
Chomh maith leis an bpaisean.

D'iarr tú orm inniu
Na tuairimí a bhíodh agam
A h-athghabháil 's a h-athbheochan
Ach tá imní orm
Nach bhfuilim bóithéimach
Go leor a thuilleadh.

Arbh fhéidir linn 'bheith inár gcónaí
I mbád mór millteanach Greenpeace;
Ag troid in aghaidh dúnmharfóirí
Na rón - agus an oileán seo
A fhágáil le chéile?
Ní dóigh liomsa é, a chroí;
B'fhearr liom m'oifig anseo.

Ach bhí am ann, fadó
Nuair a dhéanfainn é
Gan fadhb ar bith sa domhan...
'bhFuil seans ann gur féidir liom
'Bheith i m'Eco-Warrior leat;
Lem' leannán ar na tonnta?

Mullach Íde,
15 Lúnasa 2007