Tá slua déagóirí –
Triúr chailíní agus beirt leaids –
Ag caint go hoscailte lena chéile,
I ngan fhios go mbeadh éinne ag éisteacht leo.
De réir mar a thuigim,
Tá na leaids ag dul amach lena chéile
Agus tá iontas ar na cailíní orthu;
Taispeántar an naïvété ina gcuid comhrá.
Is glórach a nguthanna óige,
Gan cruth ná imní ná eagla
Go gcloisfeadh an duine mícheart iad
A dhéanfadh ionsaí orthu
Ach níl ina dtimpeall ach mise;
Tá’n t-adh leo, an tráth seo.
19:19, 24 Deireadh Fómhair 2008
15 Samhain 2008
Subscribe to:
Post Comments (Atom)
0 trácht:
Post a Comment